Səhiyyə Nazirliyi Mingəçevir Tibb Kollecində 5 noyabr 2024-cü il tarixində 8 Noyabr Zəfər Gününə həsr olunan ədəbi-bədii kompozisiya keçirilib. Tədbir şəhidlərin xatirəsinə bir dəqiqəlik sükut və Dövlət Himninin səsləndirilməsi ilə başlayıb. Kollecin şöbə müdiri Azər Quliyev çıxış edərək, Zəfər Günü münasibətilə tədbir iştirakçılarını təbrik edib. Ardınca tələbə Heyran Dosiyeva çıxış edib, videoçarx nümayiş olunub və tələbələrin hazırladığı kompozisiya ilə tədbir yekunlaşıb.